सुनको मूल्य तोलामा १३०० ले घट्यो
नेपाल प्रेस
२०७७ पुष २२ गते १२:४४
काठमाडौं । नेपाली बजारमा बिहिबार सुनको मूल्य तोलामा १३ सयले गिरावट आएको छ । निरन्तर उकालो लागेको सुन आज एकैपटक ओरालो लागेको हो ।
नेपाल सुनचाँदी व्यवसायी महासङ्घका अनुसार छापावाला सुन प्रतितोला ९५ हजार ४०० निर्धारण गरेको छ । बुधबार सुनको मूल्य प्रतितोला रु ९६ हजार ७०० मा कारोवार भएको थियो ।
यस्तै तेजाबी सुन प्रतितोला ९४ हजार ९०० निर्धारण भएको छ । बुधबार सुन तोलामा ९६ हजार २०० मा कारोवार भएको थियो । तेजाबी सुन बुधबारका तुलनामा आज तोलामा नै १३ सयले घटेको हो ।
यस्तै चाँदी भने तोलामा १० ले घटेको छ । प्रतितोला १३४० मा बुधबार कारोवार भएको चाँदी आज भने १३३० मूल्य निर्धारण भएको छ ।
नेपाल प्रेस
प्रकाशित: २०७७ पुष २२ गते १२:४४
प्रतिक्रिया
सम्बन्धित खवर
