बम विस्फाेट मुद्दामा संलग्न अभियुक्त पक्राउ

उदयपुर । क्रसर उद्योगमा बम विस्फाेट गराएको आरोपमा थप एक जनालाई प्रहरी पक्राउ गरेको छ ।

प्रहरीले बेलका नगरपालिका-२ बस्ने ३३ वर्षीय अमृत भन्ने देवबहादुर बिष्टलाई मंगलबार साँझ पक्राउ गरेको हो ।

त्रियुगा नगरपालिका १४ धापलाङस्थित क्रसर उद्योगमा गत मंसिर २९ गते राति विस्फाेट गराएको घटनाको अनुसन्धानको क्रममा जिल्ला प्रहरी कार्यालय उदयपुरबाट खटिएको प्रहरीले उनलाई रामपुर क्षेत्रमा फेला पारी पक्राउ गरेको प्रहरीले जनाएको छ ।

साथै सोही घटनामा संलग्न पवन राईलाई समेत यसअघि पक्राउ गरेको थियो । प्रहरीले थप अनुसन्धान गरिरहेको छ ।