हलिउड क्यालेन्डर २०२१ : जेम्स बन्डदेखि फास्ट एन्ड फ्युरियससम्म – Nepal Press

हलिउड क्यालेन्डर २०२१ : जेम्स बन्डदेखि फास्ट एन्ड फ्युरियससम्म

वर्ष २०२० मा कोरोनाभाइरस महामारीले हलिउडका ठूला फिल्मले रिलिज रोक्नुपर्‍यो । एक्सन ब्लकबस्टर ‘ब्ल्याक विडो’, जेम्स बन्डको ‘नो टाइम टु डाइ’देखि तिमोथी क्यालामेटको साइन्स फिक्सन ‘ड्युन’ फिल्महरु अब सन् २०२१ मा एचबीओ म्याक्ससहित हलमा प्रदर्शन हुनेछन् । भाइरस महामारीले गर्दा हलिउडले वितरणमा हाइव्रिड मोडेललाई आत्मसात गरेको छ ।

तर, सन् २०२१ को हलिउड कथाचाहिँ वर्ष २०२० भन्दा भिन्न हुनसक्छ । कोरोना खोप आउन थालेपछि प्रदर्शकहरु दर्शक आउने आशामा हल खोल्ने तयारीमा जुटेका छन् । यस वर्षपनि हरर फिल्म क्वाइट प्लेसको दोस्रो सिक्वेल, एनिमेटेड ‘मिनियन्स : द राइज अफ ग्रु’, स्पेस जाम : अ न्यू लिगेसी रिलिज तयारीमा छन् । डिज्नेले चाहिँ एमा स्टोन स्टारर लाइभ एक्सन फिल्म ‘क्रिउला’ पनि लाग्दैछ । केही फिल्म जुन २०२१ मा रिलिज तयारीमा छन् ।

राया एन्ड द लास्ट ड्रागन
मार्च ५
केली मेरी र अक्वाफिनाले यो एनिमेटेड फिल्ममा आवाज दिएका छन् । पहिलोपटक दक्षिण एसियाली मूलकी मुख्य हिरोइन पात्रको चित्रण भएको यो फिल्म डिज्ने प्लस र हलमा एकसाथ प्रदर्शन हुनेछ । विश्वमा शान्ति स्थापनाका लागि ड्रागन खोजीको यात्रामा निस्किएकी राया नामक पात्रलाई फिल्मले चित्रण गर्छ ।

कमिङ टु अमेरिका
मार्च ५
सन् १९८८ को चर्चित फिल्मको यो सिक्वेल हो जहाँ एडी मर्फी मुख्य भूमिकामा छन् । केन्या बारिसको पटकथा लेखन र क्रेग ब्रिउरको निर्देशन छ । आफ्नो छोरा अमेरिकामा रहेको पत्ता लागेपछि राजकुमार अकिमले जामुडा नामक राज्यको राजा बन्न गरेको प्रयत्न यसको कथावस्तु हो ।

मर्बिस
मार्च १९
जेरड लेटो स्टारर यो सुपरभिलियन फिल्मले माइकल मर्बिस नामक पात्रलाई चिनाउँछ । स्पाइडरम्यान सिरिजमा एन्टीहिरोको रुपमा देखिएको यो पात्र भ्याम्पायरमा रुपान्रित भएपछि हुने द्धन्द्ध यसको कथावस्तु हो । यो फिल्मले स्पाइडरम्यानका अन्य सिरिजका भिलियनसँग सम्बन्ध राख्छ ।

नो टाइम टु डाइ
अप्रिल २
डेनियल क्रेग स्टारर जेम्स बन्डको २५ औं श्रृंखलामा मुख्य पात्र जासुसको रुपमा अन्तिम मिसनमा निस्कन्छ । बन्डको पुरानो मित्र फ्लेक्स लेइटरले सहयोग मागेपछि अवकासपछि जमैकामा बसेको बन्डको अन्तिम मिसनको रुपमा यसले कथा पेश गर्छ । अपहरण गरिएको बैज्ञानिकलाई छुटाउन बन्डले मिसन चलाउँदा उसको जम्काभेट खतरनाक सफिन (रमी मलिक)सँग हुन्छ ।

अ क्वाइट प्लेस पार्ट २
अप्रिल २३
यो हरर फिल्मले एउटा परिवारले भूतबाट मुक्त हुन गर्नुपरेको संघर्ष चित्रण गर्छ । जसमा एमली ब्लन्ट, मिलिसेन्ट सिमोन्ड्स र नोहा जुको मुख्य भूमिका छ । आफ्नो पात्रको भूमिका अघिल्लो सिक्वेलमा समाप्त भएपछि जोन क्रान्सिकी दोस्रो सिक्वेल निर्देशनमा आएका हुन् ।

ब्ल्याक विडो
मे ७
स्कारलेट जोहान्सन मुख्य भूमिकामा छिन् । प्रतीक्षित यो मार्भल फिल्ममा डेभिड हार्वर, फ्लोरेन्स पग समेत छन् । २०१६ को क्याप्टेन अमेरिका : सिभिल वारको सेटिङमा फिल्म बनेको हो । एभेन्जर बन्नु अघि विगतको जासुसी छविको कारण उत्पन्न द्धन्द्धसँग मुख्य पात्रको लडाइ यसमा छ ।

गोडजिला भर्सेस कङ
मे २१
एचबीओ म्याक्स र हलमा रिलिज हुने फिल्मले गोडजिला : किङ अफ दी मोन्सटर्स र कङ : स्कुल आइल्यान्डको कथावस्तुलाई चित्रण गर्छ । मानवीय सभ्यताको अन्त्यपछि आफ्नो शासन स्थापित गर्न दुई राक्षसले गरेको लडाइँ यसको कथावस्तु हो ।

क्रुएला
मे २८
सन् १९७० मा लन्डनको सडकमा देखिने पंक फेसनको दृश्य जहाँ एमा स्टोनलाई मुख्य पात्रमा देखाइएको छ । डिज्नेको लाइभ एक्सन यो फिल्मले १९६१ को ‘१०१ डालामाटियन्स’को भिलेनलाई चित्रण गर्छ ।

फास्ट एन्ड फ्युरियस ९
मे २८
लोकप्रिय फास्ट एन्ड फ्युरियसको नवौं श्रृंखलाले संसारका कुख्यात ड्राइभर र उनीहरुको गोप्य अप्रेसन असफल पार्न नायकको परिवारले गरेको संघर्ष चित्रण गर्छ । भिन डिजेल र उनको पारिवारिक सदस्य यसमा छन् । डोमिनिक टोरेटो निर्देशित फिल्मको भिलेनमा ज्याकोब (जोन सेना) छन् ।

तिमोथी क्यालामेट स्टारर ‘द फ्रेन्च डिस्प्याच’ आगामी समर, बिल मुर्रे स्टारर ‘घोस्ट बस्टर्स : आफ्टर लाइफ’ जुन ११, क्रेजी रिच एसियन्स निर्देशकको नयाँ फिल्म ‘इन द हाइट्स’ जुन १८, टम हार्डी स्टारर ‘भेनम’को दोस्रो सिक्वेल जुन २५, मिनियन्स : द राइज अफ दी ग्रु जुलाई २, टम क्रुज स्टारर टम गन म्याभरिक जुलाई २, बास्केटबल सुपरस्टार ली ब्रोन जेम्स स्टारर स्पेस जाम : न्यू लिगेसी जुलाई १६ छन् ।

साथै, एमिली ब्लन्ट र डाउने रक जोन्सन स्टारर ‘जंगल क्रुज’ जुलाई ३०, द सुसाइड स्क्वाड अगस्ट ६, क्यान्डीम्यान अगस्ट २७, एड्रिस अल्बा स्टारर ‘थ्री थाउजन्ड इयर्स अफ लङ्गिङ सेप्टेम्बरमा, तिमोथी क्यालामेटको ड्युन अक्टोबर १, म्याट डेमोन स्टारर द लास्ट ड्युल अक्टोबर १५, टम क्रुजको मिसन इम्पोबिसल ७ नोभेम्बर ४, अस्कर विजेता निर्देशक गुलिमारो डेल टेरोको ‘नाइटमेयर एली’ डिसेम्बर, स्टिभन स्पिलबर्गको वेस्ट साइड स्टोरी डिसेम्बर १०, स्पाइडरम्यान डिसेम्बर १७, द म्याट्रिक्स ४ डिसेम्बर २२ लगायत छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर