मंगलबारदेखि मुक्तिनाथ मन्दिर खुला हुने, पीसीआर रिपोर्ट अनिवार्य – Nepal Press

मंगलबारदेखि मुक्तिनाथ मन्दिर खुला हुने, पीसीआर रिपोर्ट अनिवार्य

लकडाउनपछि बन्द रहेको हिमालपारिको जिल्ला मुस्ताङको प्रसिद्ध धार्मिक स्थल मुक्तिनाथ मन्दिर आउँदो मंगलबारदेखि सर्वसाधारणको लागि खुल्ने भएको छ । मुक्तिनाथ विकास समितिको बैठकले पुस २१ गतेदेखि कोभिड स्वास्थ्य मापदण्ड पालना गर्दै मन्दिर खोल्ने निर्णय गरेको हो ।

समिति अध्यक्ष एवं प्रमुख जिल्ला अधिकारी हीरादेवी पौडेलले स्वास्थ्य मापदण्ड पालनासहित १० महिनापछि पूजाआजा खोल्न लागिएको बताइन् । अंग्रेजी नयाँवर्षको छेकोमा मन्दिर खोल्नुले पर्यटनमा राम्रो सन्देश जाने बताइन् । पूजा गर्न जाने दर्शनार्थी र विदेशी पर्यटकले भने अनिवार्य पीसीआर परिक्षण गरेको हुनुपर्ने जनाइएको छ ।

पुजारी, सुरक्षाकर्मी र मन्दिरका कर्मचारीलाई कोभिड–१९ को संक्रमण हुन नदिन आवश्यक स्वास्थ्य सामाग्री समेत प्रदान गरिने भएको छ । मन्दिरमा पुजा गर्न जाने दर्शनार्थीले बढीमा एक घन्टाको समय पाउने भएका छन् । गत सातादेखि मुस्ताङका होटलहरु समेत खुलेका छन् । गाउँ पर्यटन प्रवद्र्धन मंच (भिटोफ) अध्यक्ष नीरज थकालीले होमस्टेमा आउने पर्यटकलाई स्वागत गरिने बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर