कोरोनाविरुद्धको भ्याक्सिन खरिदमा निजी क्षेत्रलाई अनुमति दिइने

काठमाडौं । प्रधानमन्त्री केपी शर्मा ओलीले कोरोना विरुद्धको खोप चाँडो भन्दा चाँडो सबैको पहुँचमा पु¥याउन निजी क्षेत्रलाई पनि खोप ल्याउने अनुमति दिन लागिएको बताएका छन् ।

नेपाल स्काउटले नयाँ वर्षको अवसरमा आयोजना गरेको वालवालिकासँग प्रधानमन्त्री कार्यक्रममा बालिकाहरुले सोधेको प्रश्नको जवाफ दिदै प्रधानमन्त्रीले भने,‘निजी क्षेत्रलाई पनि भ्याक्सिन लाउन अनुमति दिने,सरकारको तर्फबाट पनि जतिसक्दो चाँडो ल्याउने तयारी भइरहेको छ,आज पनि हामीले त्यसको बैठक गरेका छौं ।’

प्रधानमन्त्रीले खोप ल्याएपछि सबैभन्दा पहिले फ्रन्टलाइनकाा डाक्टर,नर्स,सुरक्षाकर्मी र जेष्ठ नागरिकलाई लगाइने बताए । त्यसपछि क्रमशः सबै नेपालीलाई भ्याक्सिन उपलब्ध गराउन सरकारले सबै तयारी गरिरहेको बताए ।

उनले भने,‘सबै नेपालीलाई भ्याक्सिन आवश्यक हुन्छ । सबैमा भ्याक्सिन पु¥याउन तीब्र तयारी भइइरहेको छ । विश्व स्वास्थ्य संगठनबाट हामीले कोभ्याक्स प्राप्त गर्दासम्म ढिला हुन्छ भनेर सरकारकाले आफैं किनेर ल्याउँदैछ । सकेसम्म हाम्रा छिमेकी देशमा बनेको र परीक्षण सफल भएको भ्याक्सिनमा हामी जोड दिन्छौं ।’