नेकपा विभाजनको असर खेलकुद परिषदमा

सुर्खेत । नेकपा विभाजनको असर कर्णाली प्रदेश खेलकुद परिषदमा परेको छ । परिषदको पहिलो बैठकले गरेको निर्णय कार्यान्वयन नगर्न मुख्यमन्त्री महेन्दबहादुर शाहीले निर्देशन दिएपछि परिषद् प्रभावित भएको हो ।

परिषदको बिहीबार बिहान पहिलो बैठक बसेको थियो । बैठकले हुम्ला जिल्ला खेलकुद विकास समितिको अध्यक्षमा विनोद बोहोरा र सुर्खेत जिल्ला अध्यक्षमा चन्द्रबहादुर गिरीलाई नियुक्त गर्ने निर्णय गरेको थियो । मुख्यमन्त्री शाहीको निर्देशनका कारण उक्त निर्णय पनि प्रभावित भएको छ । परिषद्मा नियुक्त भएका दुबैजना नेकपाको ओलीपक्षका हुन् ।

परिषदका उपाध्यक्ष प्रमोद हमालले मुख्यमन्त्रीको निर्देशनले निर्णय अलमलमा परेको बताए ।