तेस्रोलिंगी मोडल एन्जल लामाले ब्युटी पेजेन्टमा रचिन इतिहास – Nepal Press

तेस्रोलिंगी मोडल एन्जल लामाले ब्युटी पेजेन्टमा रचिन इतिहास

विश्व मिडियाले गरे प्रशंसा

काठमाडौं । तेस्रोलिंगी मोडल एन्जल लामाले प्रतिष्ठित अन्तराष्ट्रिय सौन्दर्य प्रतियोगिताको नेपाली संस्करणमा फाइनल यात्रा तय गर्दै इतिहास रचेकी छन् । राजधानीमा बुधबार सम्पन्न मिस युनिभर्स नेपाल २०२० को फिनालीमा उनी उत्कृष्ट १८ भित्र प्रवेश गरिन् ।

लामाको यो उपलब्धीबारे अन्तराष्ट्रिय मिडियाले चर्चा गरिरहेका छन् । उनीहरुले ब्युटी पेजेन्टको यो कीर्तिमानलाई नेपालमा उपलब्ध एलजीबीटीआइ (लैंगिक अल्पसंख्यक)को स्वतन्त्रतासँग व्याख्या गरेका छन् । म्यानमार र मंगोलियापछि लैंगिक अल्पसंख्यकको स्वतन्त्रता दिलाउने मुलुकमा नेपाल पर्छ ।

‘नेपाली समाजमा रहेको विविधतालाई झल्काउन म यो प्रतियोगितामा आएकी हुँ’ २१ वर्षिया लामाले भनिन्, ‘यदि मैले जित्थेँ भने यो एउटा ठूलो सन्देश हुने थियो ।’ लैंगिक अल्पसंख्यकको सहभागितालाई आकर्षित गर्न आयोजकले उचाइ, तौल र सौन्दर्यको मापनमा लचिलो नियम ल्याएको थियो ।

माओवादी शान्ति प्रक्रियामा आएको वर्ष २००६ र राजतन्त्र ढलेको कालखण्डपछि नेपालले लैंगिक अल्पसंख्यक पहिचानको नीति ल्याएको थियो । सर्वोच्च अदालतले २००७ मा कानुन नै बनाएको थियो । लामाका अनुसार उनका अशिक्षित अभिभावकले उनको विहे गराएर घरजम भएको देख्न चाहन्थें ।

मिस पिंक नेपालको उपाधि जितेपछि भने ब्युटी पेजेन्टमा लामाको सहभागितालाई लिएर उनका अभिभावक खुशि भएका थिए । मिस युनिभर्स नेपाल २०२० को उपाधि भने अष्ट्रेलियाकी गैरआवसिय नेपाली अनिष्का शर्माले जितिन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर