विद्युत ग्रीड आधुनिकीकरणका लागि एडीबीले दिने भयो १८ अर्ब २५ करोड ऋण – Nepal Press

विद्युत ग्रीड आधुनिकीकरणका लागि एडीबीले दिने भयो १८ अर्ब २५ करोड ऋण

काठमाडौं । एशियाली विकास बैंक र अर्थ मन्त्रालयबीच विद्युत ग्रीड आधुनिकीकरण आयोजनाका लागि सहुलियतपूर्ण ऋण सहायता परिचालन गर्ने सम्बन्धी सम्झौता भएको छ ।

बुधबार अर्थ मन्त्रालयमा आयोजित कार्यक्रममा मन्त्रालयका सहसचिव श्रीकृष्ण नेपाल र एसियाली विकास बैंक नेपालका कार्यालय प्रतिनिधि रुदी लुइस हेन्ड्रिकस भान्देलले हस्ताक्षर गरेका छन् । सम्झौता अनुसार एसशयाली विकास बैंकले १५६ मिलियन अमेरिकी डलर (१८ अर्ब २५ करोड ७७ लाख )सहुलियतपूर्ण ऋण सहायता उपलब्ध गराउनेछ ।

अर्थ मन्त्रालयका सहसचिव नेपालले एडीबीबाट प्राप्त ऋण सहायतामा नेपाल सरकार र नेपाल विद्युत प्राधिकरणले थप लगानी गरी १९५ मिलियन अमेरिकी डलरको परियोजना कार्यान्वयनमा ल्याइने बताए । यो आयोजनाले विद्युत वितरण सम्बन्धी तीन वटा मुख्य कृयाकलापलाई जोड दिएको छ । विद्युत सबस्टेसनलाई स्वचालित बनाउने, विद्युत वितरणलाई विश्वसनीय र गुणस्तरीय बनाउने काम आयोजनाले गर्ने सहसचिव नेपालले बताए ।

आयोजनाले नेपाल विद्युत प्राधिकरणको संस्थागत क्षमता अभिवृद्धि गर्नलाई सहयोग गर्ने विश्वास गरिएको छ । आयोजना पाँच वर्षमा सम्पन्न हुनेछ ।


प्रतिक्रिया

Leave a Reply

Your email address will not be published. Required fields are marked *