बिहे तयारीका लागि रणवीर–आलियाको परिवार जयपुरमा, करण जोहर र दीपिका पादुकोण पनि पुगे – Nepal Press

बिहे तयारीका लागि रणवीर–आलियाको परिवार जयपुरमा, करण जोहर र दीपिका पादुकोण पनि पुगे

बलिउडका दुई खानदानी परिवार यतिबेला चिसो छल्न जयपुर र रणथंभर सेरोफेरोको इलाकामा पुगेका छन् । कपुर र भाट परिवार अहिले रणथंभरस्थित एउटा रिसोर्टमा बसिरहेको छ । 

बलिउड स्रोतका अनुसार रणवीर कपुर र आलिया भाटको बिहे छिनोफानो गर्न दुई परिवार त्यहाँ पुगेका हुन् । बिहेको सम्भावना बलियो छ । आलियाका काकाले चाहिं बिहेबारे अहिले नै यकिनका साथ केही भन्न सकिंदैन । बिहे निश्चित भएमात्र आफूले सबै कुरा मिडियालाई बताउने जनाए ।

स्रोतका अनुसार रणवीर र आलियाको बिहेलाई यतिबेला करण जोहरले गोप्यरुपमा व्यवस्थापन गरिरहेका छन् । आलियाले आफ्नो जीवनको यो महत्वपूर्ण क्षणको साक्षी बस्न रणवीर सिंह र दीपिका पादुकोणलाई रिसोर्टमा बोलाएकी छन् ।

सोही रिसोर्टमा आफ्नो टीम लिएर करण पनि पुग्दैछन् । केही दिनदेखि नै धर्मा प्रोडक्सनको टीम रणथंभर र जयपुरमै बसिरहेका थिए । उनीहरु सबै बिहेको तयारीमा जुटेका छन् । यसबारेमा नीतू कपुर, आलिया भाट, सोनी राजदान र रणवीरले केही बोलेका छैनन् ।

प्रतिक्रिया

Leave a Reply

Your email address will not be published.