नेपाली अभिनेत्री जसिता गुरुङ संसारका सय सुन्दर युवतीको ५४ औं सूचीमा – Nepal Press

नेपाली अभिनेत्री जसिता गुरुङ संसारका सय सुन्दर युवतीको ५४ औं सूचीमा

नेपाली अभिनेत्री जसिता गुरुङ वर्ष २०२० मा संसारका सय सुन्दर युवतीको ५४औं स्थानमा परेकी छन् । सौन्दर्य मापन गर्ने विश्व चर्चित एजेन्सी टीसी क्यान्डलरले सय उत्कृष्टको सूची सार्वजनिक गरेको हो ।

इजरायलकी १९ वर्षे मोडल येल सेल्बिया सूचीको पहिलो स्थानमा सूचीकृत गर्दै संसारकै सुन्दरी युवतीको रुपमा चिनिएकी छन् । टीसी क्यान्डलर र इन्डिपेन्डेन्ट क्रिटिक्सले हरेक वर्ष यस्तो सूची सार्वजनिक गर्छन् ।

२४ वर्षीया पोखरेली अभिनेत्रीले फिल्म ‘लिलिबिली’बाट अभिनय करियर थालेकी थिइन् । प्रदीप खड्काको लिड अपोजिटमा देखिएकी उनले यही फिल्मबाट प्रसिद्धि हासिल गरिन् । यो सूचीमा हलिउडको ‘वन्डर वुमन’ अभिनेत्री गल ग्याडट २१औं स्थानमा छिन् ।

सूचीमा आफू समावेश भएपछि नेपाल प्रेससँग प्रतिक्रिया दिंदै जसिताले आफूलाई सरप्राइज मिलेको बताइन् । ‘स्तब्ध छु’ उनले भनिन्, ‘यसले मलाई काम गर्ने प्रेरणा मिलेको छ ।’ फिल्म लिलिबिलीको बेला पनि जसिताको सौन्दर्यको प्रशंसा भएको थियो । टीसी क्यान्डलरले विगत ३० वर्षदेखि सौन्दर्य मापन गर्दै आएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ