मेस्सी अनुपस्थित खेलमा बार्सिलोना बराबरीमा रोकियो – Nepal Press

मेस्सी अनुपस्थित खेलमा बार्सिलोना बराबरीमा रोकियो

एजेन्सी । लियोनल मेस्सी चोटका कारण मैदान बाहिर हुनुपरेपछि कमजोर महसूस गरेको बार्सिलोनाले स्पेनिस ला लिगामा मंगलबार राति एइबारसँग घरेलु मैदानमा बराबरी खेलेको छ ।

मार्टिन ब्रेथवेइटले पहिलो हाफमा पेनाल्टी खेर फाल्दा बार्सिलोनाले नोउ क्याम्पमा अग्रता बनाउन चुकेको थियो । दोस्रो हाफमा एइबारले अग्रता बनायो । ५७ औं मिनेटमा किके गार्सियाले शानदार गोल गरेका हुन् ।

१० मिनेटपछि ओस्मान डेम्बेलेले गोल गरी खेल बराबरीमा ल्याए । डेम्बेलेले खेलमा पहिलो प्रहारमै गोल गरेका हुन् ।

गोलीगाँठाको समस्याबाट मुक्त हुने प्रक्रियामा रहेका मेस्सीले बेन्चमै बसेर खेल हेरे । उनी मंगलबार विहानमात्र अर्जेन्टिनाबाट आएका हुन् ।

यो बराबरीले १५ खेलबाट २५ अंक भएको बार्सिलोना अंकतालिमामा छैटौं स्थानमा छ । रेलिगेसन क्षेत्रबाट मात्र २ अंकले अगाडि रहेको एइबार १६ औं स्थानमा छ ।

प्रतिक्रिया

Leave a Reply

Your email address will not be published. Required fields are marked *