चीनले भन्यो–नेपालको आन्तरिक मामिलामा हस्तक्षेप गर्दैनौं – Nepal Press

चीनले भन्यो–नेपालको आन्तरिक मामिलामा हस्तक्षेप गर्दैनौं

काठमाडौं । नेकपा विभाजन रोक्न राष्ट्रपति सी जिनपिङको सन्देश बोकेर विशेष टोली काठमाडौं भेटवार्तामा व्यस्त रहेका बेला चीनले नेपालको आन्तरिक मामिलामा हस्तक्षेप नगर्ने नीतिप्रति आफू प्रतिबद्ध रहेको जनाएको छ ।

सोमवार बेइजिङमा आयोजित नियमित पत्रकार सम्मेलनमा विदेश मन्त्रालयका प्रवक्ता झाओ लिजियाले चीन-नेपालका सबै राजनीतिक दलहरुसँग मित्रवत् सम्बन्धमा रहेको बताए । उनले चिनियाँ कम्युनिष्ट पार्टी अर्काको आन्तरिक मामिलामा हस्तक्षेप नगर्ने नीतिमा प्रतिबद्ध रहेको बताए ।

चिनियाँ कम्युनिष्ट पार्टीको अन्तर्राष्ट्रिय विभागका उपविदेशमन्त्री गुओ येचौ नेतृत्वको प्रतिनिधिमण्डल महामारी नियन्त्रण र अन्य चासोका विषयमा केन्द्रित रहेर काठमाडौं पुगेको उनले बताए ।

आइतबार नेपाल भ्रमणमा आएको चिनियाँ कम्युनिष्ट पार्टीको टोलीले राष्ट्रपति, प्रधानमन्त्री,सभामुख, विभाजित नेकपाका अध्यक्ष प्रचण्ड, माधवकुमार नेपाल र वरिष्ठ नेता झलनाथ खनालसँग भेटवार्ता गरेको छ । टोली बुधवारसम्म काठमाडौंमा रहने बताइएको छ ।

भेटमा चिनियाँ टोलीले नेकपा विभाजन दुर्भाग्यपूर्ण भन्दै एकतामै फर्किन दुवै पक्षका नेताहरुलाई सुझाव दिएको छ ।

प्रतिक्रिया

Leave a Reply

Your email address will not be published.

सम्बन्धित खवर