नेपाल लिटरेचर फेस्टिभल पोखरामा सुरु, पहिलो दिन गजल मेहफिल – Nepal Press

नेपाल लिटरेचर फेस्टिभल पोखरामा सुरु, पहिलो दिन गजल मेहफिल

नेपाली साहित्य मेलाको नवौं संस्करण आज बेलुका (सोमबार)देखि सुरु भएको छ । पोखरामा हुने फेस्टिभल भर्चुअल माध्यमबाट हुन लागेको हो । कोरोनाभाइरस महामारीले गर्दा फेस्टिभललाई इन्टरनेटमा सीमित गरिएको हो ।

प्रदीप रोदन र अमृत सुवेदीको गजल मेहफिलसँग महोत्सव सुरु भएको फेस्टिभल निर्देशक अजित बरालले बताए ।

मंगलबार बिहान विश्व पौडेलको साहित्यको अर्थ नामक विद्धत प्रवचनबाट फेस्टिभलको औपचारिक सुरुआत हुँदैछ । लगत्तै मदन पुरस्कार विजेता चन्द्रप्रकाश बानियाँले महारानी उपन्यासमाथि चर्चा गर्नेछन् ।

लगत्तै बोनिता शर्मा, आयुषी केसी, सोनिका मानन्धरले कर्मठ केटीहरु विषयमा सत्र चलाउँदैछन् । के सम्पदा के बसोबास विषयमा रवीन्द्र पुरी र मिलन बगालेबीच छलफल हुँदैछ । कोरोनापछिको सिनेमा शीर्षकमा यज्ञशसँग मीनबहादुर भाम, प्रियंका कार्की र भाष्कर ढुंगानाबीच छलफल हुँदैछ ।

पढ्ने पढाउन हुटहुटी शीर्षकमा हरि खनाल, विकेश कबिन र मानुश्री महतबीच छलफल हुनेछ । कोरोनाले गलाएको जनस्वास्थ्य, अद्भूत व्यक्तित्व असाधारण लेखन शीर्षकमा छलफल सत्र समेत छन् ।

दुई दिनसम्म चल्ने फेस्टिभलको दोस्रो दिन जलवायु परिवर्तन र हाम्रो भविष्य, प्रदेशबाट देखिने देश, कोरोनाकालिन उद्योग वाणिज्य, सङघीयताका अवसरहरु लगायतका सत्र छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर