कोरोनाविरुद्धको खोप ४ महिनाभित्र ल्याइने, यस्तो छ तयारी – Nepal Press

कोरोनाविरुद्धको खोप ४ महिनाभित्र ल्याइने, यस्तो छ तयारी

सातवटै प्रदेशमा भ्याक्सिन भण्डारण केन्द्र बनाइँदै

काठमाडौं। नेपालमा कोरोना भाइरसविरुद्धको खोप ल्याउने तयारी अन्तिम चरणमा पुगेको छ । भ्याक्सिन भण्डारण गर्न ८ करोड लगानीमा सातवटै प्रदेशमा कोल्ड चेन (चिस्यान केन्द्र) निर्माण गर्न लागिएको स्वास्थ्य मन्त्रालयअन्तर्गतको खोप महाशाखाले जनाएको छ।
धेरै भ्याक्सिन राख्‍न भने त्रिभुवन अन्तर्राष्‍ट्रिय विमानस्थलमा रहेको कोल्ड चेन प्रयोग गरिने बताइएको छ। महाशाखाका अनुसार कोरोना भ्याक्सिन नेपाल भित्र्याउन ४ वटा मापदण्ड अनिवार्य गरिएको छ।
सअनुसार खोप सुरक्षित र प्रभावकारी हुनुपर्ने, खोपको पर्याप्त उपलब्धता हुनुपर्ने, नेपालका परिवेश अनुसार उपयुक्त कोल्ड चेन भण्डारण र कम लागतको खोप रहेको छ।
नेपालले खोजेजस्तो मापदण्डको खोप अहिले विश्व बजारमा नआइसकेकोले खोप खरिद प्रक्रिया अघि नबढाइएको भएपनि कोरोना खोप छिटो भित्र्याउन तीब्र रूपमा समन्वय र पहल भइरहेको खोप माहाशाखाका प्रमुख डा. झलक गौतमले जानकारी दिए। खोप पहिलो चरणमा स्वास्थ्यकर्मी र ८० वर्षमाथिकालाई सरकारले प्राथमिकतामा राखेको छ।
सरकारले कोरोनाविरुद्धको खोप ल्याउन खोपविज्ञ डा.श्यामराज उप्रेतीको नेतृत्वको विज्ञ समिति गठन गरेको छ । समितिले खोप निर्माण गर्ने कम्पनी र सम्बन्धित देशका सरकारलाई पत्राचार गरिसकेको उप्रेतीले बताए । चार महिनाभित्रमा नेपालमा खोप आइसक्ने उनको भनाइ छ ।
प्रतिक्रिया

Leave a Reply

Your email address will not be published.