प्रतिनिधिसभा पुनर्स्थापना नभएमा मुलुक सत्यनासतिर जान्छ: भुसाल – Nepal Press

प्रतिनिधिसभा पुनर्स्थापना नभएमा मुलुक सत्यनासतिर जान्छ: भुसाल

रुपन्देही । पूर्वमन्त्री तथा नेकपा नेता घनश्याम भुसालले प्रतिनिधि सभा पुनर्स्थापना नभएमा मुलुक सत्यनासतिर जाने बताएका छन् ।

रूपन्देहीको तिलोत्तमामा नेकपा रूपन्देही (प्रचण्ड नेपाल) समूहले गरेको जिल्ला भेलामा सहभागी हुन आएका भुसालले पत्रकारहरूसँग कुरा गर्दै  यस्तो बताएका हुन्  ।

पूर्वमन्त्री भुसालले अदालतले सरकारको दबाबमा प्रतिनिधि सभा पुनस्थापना नगरे जनताले पुनःस्थापना गर्ने दावी गरे ।

आफुहरूले पार्टी र मुलुकलाई अस्थिरतातर्फ धकेल्न नखोजेको बताउँदै पार्टी बचाईराख्न खबरदारी थालेको समेत उनले बताए ।
उनले सर्वोच्च अदालतले जनमत र संवैधानिक व्यवस्थाकै पक्षमा फैसला गर्दै प्रतिनिधिसभा पुनःस्थापना गर्ने विश्वास व्यक्त गरेका छन् ।

उनले भने,‘अफ्रिकाका केही मुलुकमाबाहेक अरू मुलुकमा जनमत र संविधानको पालना नहुने सुनेको छैन मैले, त्यसैअनुसार हामीकहाँ अझैपनि संविधान र जनमतको सम्मान गर्न, स्थीरता कायम राख्न पनि अदालतले प्रतिनिधि सभा पुनःस्थापना गर्नुपर्छ ।’

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर