सरकारले स्थापना गरेको स्टोरी बैंकमा १५ फिल्म – Nepal Press

सरकारले स्थापना गरेको स्टोरी बैंकमा १५ फिल्म

नयाँ फिल्म निर्मातालाई प्रोत्साहन गर्न चलचित्र विकास बोर्डले स्थापना गरेको ‘स्टोरी बैंक’मा १५ फिल्म दर्ता भएका छन् । दर्ता भएका फिल्म मध्येबाट छनौट गरेर बोर्डले प्रस्तावित बजेटको आधारमा संयुक्त लगानी गरिदिने भएको छ ।

बोर्डमा स्टोरी बैंक हेर्ने फोकल पर्सन गिरिश शर्माका अनुसार आइतबारसम्मको डेडलाइनमा १५ फिल्मले स्क्रिप्ट दर्ता गरेका छन् । ‘हामी अझै समय थप्ने पक्षमा छौं’ नेपाल प्रेससँग उनले भने, ‘धेरै फिल्ममेकर यसबाट उत्साहित भएको पाएका छौं ।’

बोर्डले मौलिक र सन्देशमूलक फिल्ममा संयुक्त लगानीको कार्यविधि बनाएको छ । फिल्मको कूल बजेटको २५ देखि ५० प्रतिशतसम्म लगानी गर्ने कार्यविधिमा उल्लेख छ । खासगरि नयाँ र प्रतिभावान फिल्म निर्मातालाई प्रोत्साहन गर्नको लागि बोर्डले गतमहिना बैंक स्थापना गरेको थियो ।

पछिल्लो समय नेपाली फिल्मको बजेटमा वृद्धि भएर १ करोडदेखि अढाइ करोडसम्म पुग्ने गरेको छ । बोर्डको यो निर्णयसँगै इन्डिपेन्डेन्ट, फिल्म विद्यार्थी र राम्रो स्क्रिप्ट हुनेलाई फाइदा पुग्ने अपेक्षा गरिएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर