२०२५ मा भारत विश्वकै तेस्रो ठूलो आर्थिक महाशक्ति बन्ने – Nepal Press

२०२५ मा भारत विश्वकै तेस्रो ठूलो आर्थिक महाशक्ति बन्ने

सन् २०२५ सम्म भारत विश्वको पाँचौ ठूलो आर्थिक महाशक्ति बन्ने भएको छ । एक भारतीय थिंक ट्यांकलाई उध्दृत गर्दै टाइम्स अफ इन्डियाले जनाएअनुसार पाँच वर्षमा भारतले बेलायतको अर्थतन्त्रलाई उछिन्नेछ ।

सन् २०२५ भित्र भारत चीन र अमेरिकापछि विश्वको तेस्रो आर्थिक महाशक्ति बन्ने भएको छ । सन् २०१९ मै भारतले बेलायतलाई उछिनेको थियो तर, कोरोना कहरको कारण गिर्दो अर्थव्यवस्थाले गर्दा भारत पुनः छैंठौं स्थानमा धकेलिएको हो ।

सेन्टर फर इकोनोमिक्स एन्ड बिजनेस रिचर्सले शनिबार सार्वजनिक गरेको वार्षिक प्रतिवेदनमा यस्तो उल्लेख छ । सन् २०२० मा भारतीय रुपैयाँ बेलायती पाउन्डभन्दा कमजोर भएकाले सूचिबाट भारत तल परेको उल्लेख छ ।

प्रतिवेदनमा जनाइएअनुसार भारतीय अर्थतन्त्र सन् २०२१ मा ९ प्रतिशत र २०२२ मा ७ प्रतिशतले वृद्धि हुनेछ । तर, सन् २०३५ मा आर्थिक वृद्धिमा सुस्तता देखिने र वृद्धिदर ५.८ प्रतिशत मात्र हुने उल्लेख छ ।

प्रतिवेदनअनुसार सन् २०२५ मा भारतले बेलायतलार्ई, २०२७ मा जर्मनीलाई र २०३० मा जापानलाई उछिन्नेछ । बेलायतस्थित एक थिंक ट्यांकले चाहिँ सन् २०२८ मा चीन अमेरिकालाई उछिन्दै विश्वकै पहिलो आर्थिक शक्ति बन्नेछ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ