झिल्टुङ क्रसकन्ट्री दौड प्रतियोगिता माघ १० देखि – Nepal Press

झिल्टुङ क्रसकन्ट्री दौड प्रतियोगिता माघ १० देखि

नुवाकोट । आगामी माघ १० गते पाँचौं झिल्टुङ क्रसकन्ट्री दौड आयोजना हुने भएको छ । एथ्लेटिक्सका पूर्व खेलाडी मोहन नेपाल र नुवाकोट बेलकोटगढी नगरपालिकाको आयोजनामा ‘जे गरौं गज्जबले गरौं’ भन्ने नाराका साथ दौड हुने भएको हो ।

शनिबार आयोजित पत्रकार सम्मेलनमा यसबारे जानकारी दिइएको हो । १३.४ किलोमिटरको दौड नगरपालिकाको कोल्पुटारबाट सुरु भई बेलिनी, छाप, राजओढार, सालचौर हुँदै कोल्पुटारमा आएर समाप्त हुने जनाइएको छ ।

४.५ किलोमिटरको दौड चाहिँ मनोरञ्जनका लागि हुने भएको छ । प्रतियोगितामा प्रथम हुने पुरुष तथा महिलालाई १५ हजार, द्धितीयलाई १० हजार र तृतियलाई ५ हजार रुपैयाँ नगद पुरस्कारको व्यवस्था गरिएको छ । अघिल्ला प्रतियोगितामा राखिएको रेकर्ड तोड्नेलाई पनि ५ हजार नगदले पुरस्कृत गरिने भएको छ ।

४.५ किलोमिटरको खुल्ला दौडतर्फ पहिलो हुनेलाई ५ हजार, दोस्रो हुनेलाई ३ हजार र तेस्रो हुनेलाई २ हजार नगदले पुरस्कृत गरिने भएको छ । प्रतियोगिताले झिल्टुङ र नुवाकोटको आन्तरिक पर्यटनमा टेवा पुग्ने विश्वास आयोजकले लिएको छ ।

प्रतिक्रिया

Leave a Reply

Your email address will not be published. Required fields are marked *

नेपाल अपडेट ट्रेन्डिङ