चिनियाँ राजदूतले भेटिन् माधव नेपाल – Nepal Press

चिनियाँ राजदूतले भेटिन् माधव नेपाल

काठमाडौं । नेपालका लागि चिनियाँ राजदूत होउ यान्छीले नेपाल कम्युनिष्ट पार्टी (प्रचण्ड–माधव पक्ष) का अध्यक्ष माधवकुमार नेपालसँग भेटवार्ता गरेकी छिन् ।

नेकपा केन्द्रीय सदस्य विष्णु रिजालका अनुसार यान्छीले शुक्रबार दिउँसो नेपाल निवास कोटेश्वरमा गएर अध्यक्ष नेपालसँग शिष्टाचार भेट गरेकी हुन् ।

भेटका अवसरमा उनीहरुबीच दुई मुलुकका आपसी हितका विषयमा छलफल भएको बताइएको छ। सत्तारुढ नेकपाभित्र विभाजन आएसँगै चिनियाँ राजदूतले दौडधुप बढाएकी छिन् ।

उनले बिहीबार प्रचण्ड–नेपाल पक्षीय नेकपाका अर्का अध्यक्ष पुष्पकमल दाहाल ‘प्रचण्ड’लाई पनि भेटेकी थिइन् । त्यसअघि उनले राष्ट्रपति विद्यादेवी भण्डारीसँग पनि शिष्टाचार भेट गरेकी थिइन् ।

सत्तारुढ नेकपा विभाजन हुनुहुँदैन र नेपाल कुनै अस्थिरतामा जानुहुँदैन भन्ने चीनको मान्यता रहेको बताइन्छ।

प्रतिक्रिया

Leave a Reply

Your email address will not be published.

सम्बन्धित खवर