संवैधानिक इजलासप्रति वकिलहरुको आपत्ति, आशंका नगर्न राणाको आग्रह – Nepal Press

संवैधानिक इजलासप्रति वकिलहरुको आपत्ति, आशंका नगर्न राणाको आग्रह

काठमाडौं । प्रतिनिधिसभा विघटनविरुद्ध परेका सबै रिटहरुमाथिको प्रारम्भिक सुनुवाईका लागि गठित इजलासप्रति रिट निवेदक अधिवक्ताहरुले आपत्ति जनाएका छन् ।

संवैधानिक इजलासमा सुनुवाई शुरु भए लगत्तै उठेर वरिष्ठ अधिवक्ता दिनेश त्रिपाठीले इजलासमा राखिएका चार न्यायाधीशहरुको सन्दर्भमा आपत्ति जनाएका हुन् । ‘यो इजलास गठनप्रति हामीलाई शंका भएको छ’ उनले भने ।

तर संवैधानिक इजलासका अध्यक्ष समेत रहेका प्रधानन्यायाधीशले इजलासप्रति आशंका नगर्न आग्रह गरेका छन् । प्रधानन्यायाधीश चोलेन्द्रशमशेर जबरा अध्यक्ष रहेको इजलासमा न्यायाधीशहरु हरिकृष्ण कार्की, विश्वम्भर श्रेष्ठ,अनिलकुमार सिन्हा र तेजबहादुर केसीलाई संवैधानिक इजलास तोकेका थिए ।

न्यायपरिषदको सिफारिशमा परेका १४ जना न्यायाधीशमध्येबाट प्रधानन्यायाधीश राणाले चार जनालाई तोकेका हुन् । प्रतिनिधिसभा विघटन संवैधानिक विषय बनेकाले यसको टुंगो लगाउन संवैधानिक इजलासमा पठाउने आदेश राणाको एकल इजलासले बुधवार दिएको थियो । रिट निवेदक र बहसकर्ताहरुको सूची लामो भएकाले सुनुवाई लम्बिन सक्ने सर्वाेच्च स्रोतले जनाएको छ ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ