प्रतिनिधिसभा विघटनमाथि संवैधानिक इजलासमा सुनुवाई शुरु – Nepal Press

प्रतिनिधिसभा विघटनमाथि संवैधानिक इजलासमा सुनुवाई शुरु

काठमाडौं । प्रतिनिधिसभा विघटनविरुद्ध परेका सबै रिटहरुमाथिको प्रारम्भिक सुनुवाई संवैधानिक इजलासमा शुरु भएको छ । आज रिट निवेदकहरुको तर्फबाट बहस हुनेछ ।

दुवै पक्षका बहस र राय सुन्नुपर्ने भएकाले सुनुवाई केही दिन लम्बिन सक्ने सर्वाेच्च स्रोतले जनाएको छ । प्रधानन्यायाधीश चोलेन्द्रशमशेर जबरा अध्यक्ष रहेको इजलासमा शुरु भएको बहसमा भाग लिन वरिष्ठ अधिवक्ताहरु सर्वाेच्च अदालत पुगेका छन् ।

आजै बिहान प्रधानन्यायाधीश राणाले न्यायाधीशहरु हरिकृष्ण कार्की, विश्वम्भर श्रेष्ठ, अनिलकुमार सिन्हा र तेजबहादुर केसीलाई संवैधानिक इजलास तोकेका थिए ।

न्यायपरिषदको सिफारिशमा परेका १४ जना न्यायाधीशमध्येबाट प्रधानन्यायाधीश राणाले चार जनालाई तोकेका हुन् । प्रतिनिधिसभा विघटन संवैधानिक विषय बनेकाले यसको टुंगो लगाउन संवैधानिक इजलासमा पठाउने आदेश राणाको एकल इजलासले बुधवार दिएको थियो । रिट निवेदक र बहसकर्ताहरुको सूची लामो भएकाले सुनुवाई लम्बिन सक्ने सर्वाेच्च स्रोतले जनाएको छ ।

प्रतिक्रिया

Leave a Reply

Your email address will not be published.

सम्बन्धित खवर