प्रतिनिधिसभा विघटनसम्बन्धी रिटको सुनुवाइ आज – Nepal Press

प्रतिनिधिसभा विघटनसम्बन्धी रिटको सुनुवाइ आज

काठमाडौं । सरकारले संविधानको धाराको अपव्याख्या गरी प्रतिनिधिसभा विघटन गरेको भन्दै त्यसलाई उल्टाउन परेको रिटमाथि आज संवैधानिक इजलासमा सुनुवाइ हुँदैछ ।

गएको सोमबार सर्वोच्च अदालतमा प्रतिनिधिसभा विघटनविरुद्ध १२ वटा रिट परेको थियो । तीमध्ये ११ वटा रिटउपर बुधबार प्रधानन्यायाधीश चोलेन्द्रशमशेर जबराको एकल इजलासमा प्रारम्भिक बहस चलेको थियो ।

एकतर्फी बहसपछि प्रधानन्यायाधीश राणाले सबै मुद्दाको सुनुवाई संवैधानिक इजलासबाट हुने निर्णय गरिदिएका थिए ।
आइतबार सरकारको सिफारिशमा राष्ट्रपति विद्यादेवी भण्डारीले प्रतिनिधिसभा विघटन गरिदिएकी थिइन् । त्यसयता नेपाली राजनीति तरंगित बनेको छ ।

प्रतिनिधिसभा पुनर्स्थापना हुने–नहुनेबारे अब अदालतले मात्रै निर्णय दिन सक्नेछ । आज संवैधानिक इजलासमा सबै १२ वटै रिटमाथि बहस हुनेछ ।

संवैधानिक इजलास प्रधानन्यायाधीश नेतृत्वका उनैले सिफारिश गरेका अन्य चार न्यायाधीशसहितको पूर्ण इजलास हो । उसले गरेको फैसलामा पुनर्विचार हुँदैन ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ