सुमोको ठक्करबाट ललितपुरमा दुईको मृत्यु
नेपाल प्रेस
२०७७ पुष १० गते ७:२५
काठमाडौं । ललितपुरको सातदोबाटोमा बिहीबार राति टाटा सुमोको ठक्करबाट दुई जनाको मृत्यु भएको छ । बीएण्डबी अस्पतालका ती कर्मचारीकाे आफू कार्यरत अस्पतालमै उपचारका क्रममा निधन भएको हो ।
बिहीबार बेलुका करीब ७ बजेतिर सातदोबाटोबाट ग्वार्कोतर्फ जाँदै गरेको प्रदेश-३-००१ च ०७१३ नम्बरको टाटा सुमोले ठक्कर दिंदा कार्यालय समय सकिएर घर फर्कन लागेका उनीहरु गम्भीर घाइते बनेका थिए ।
बीएन्डबी अस्पताल अगाडिको आकाशेपुल नजिकैबाट बाटो काट्दै गरेका उनीहरू दुर्घटनामा परेका हुन् । मृत्यु हुनेमा तनहुँ घर भई ललितपुरको हरिसिद्धिमा बस्दै आएकी ३४ वर्षीया सुनिता सोती सापकोटा र ४५ वर्षीय कृष्णप्रसाद तिमल्सिना छन् ।
प्रहरीले सुमो चालक ३१ वर्षीय मीनबहादुर तामाङलाई नियन्त्रणमा लिएको छ।
नेपाल प्रेस
प्रकाशित: २०७७ पुष १० गते ७:२५
प्रतिक्रिया
सम्बन्धित खवर
