पोचेट्टिनो पीएसजी फर्कने सम्भावना बढ्यो – Nepal Press

पोचेट्टिनो पीएसजी फर्कने सम्भावना बढ्यो

एजेन्सी । विवादित अन्तर्वार्ताका कारण पदच्यूत गर्न लागिएका फ्रेन्च च्याम्पियन क्लब पेरिस सेन्ट जर्मेइनका प्रशिक्षक थोमस टचेलको स्थानमा क्लबकै पूर्व प्रशिक्षक माउरिसियो पोचेट्टिनो नियुक्त हुने सम्भावना बढेको छ ।

समाचारमा जनाइएअनुसार पीएसजीका खेलाडीहरुले पनि ४८ वर्षीय अर्जेन्टिनी प्रशिक्षक पोचेट्टिनो नै आएको देख्न चाहेका छन् । पीएसजीका अधिकारीहरुले करिव दुई सातादेखि नै पोचेट्टिनोसँग कुराकानी गरिरहेको बुझिएको छ ।

पीएसजीले टचेललाई बर्खास्त गरिएकोबारे आधिकारिक जानकारी त दिएको छैन । तर बुधबार स्ट्रासवर्गलाई ४–० गोलअन्तरले पराजित गरेको एक घण्टापछि नै उनलाई बर्खास्त गरिएको बीबीसीले जनाएको छ ।

सन् २०१८ को जूनयता पीएसजीमा रहेर टचेलले टिमलाई दुईपल्ट फ्रेन्च लिग वान, फ्रेन्च कप र फ्रेन्च लिग कपको उपाधि दिलाएका थिए ।

सबैभन्दा ठूलो सफलताको रुपमा गत सिजन पीएसजीले क्लब इतिहासमा पहिलोपल्ट च्याम्पियन्स लिगको फाइनलमा पुगेको थियो । बायर्न म्युनिखसँग १–० ले हारेपछि उपाधि जित्न चुकेकाे थियाे ।

बोरुशिया डर्टमन्डका पूर्व प्रशिक्षक टचेलको सम्झौता यही सिजनको अन्तिमसम्म थियो ।


प्रतिक्रिया

Leave a Reply

Your email address will not be published. Required fields are marked *