बालुवाटारबाट खोसियो प्रचण्डको कार्यकारी अध्यक्षको हैसियत – Nepal Press

बालुवाटारबाट खोसियो प्रचण्डको कार्यकारी अध्यक्षको हैसियत

काठमाडौं । प्रधानमन्त्री केपी शर्मा ओली नेतृत्वको नेकपाले साबिक पार्टीका अर्का अध्यक्ष प्रचण्डको कार्यकारी जिम्मेवारी खोसेको छ ।

प्रधानमन्त्री निवास बालुवाटारमा जारी बैठकले प्रचण्ड कार्यकारी अध्यक्ष नभएको र केपी ओलीको मात्र हस्ताक्षर चल्ने गरी निर्णय गरेको छ ।

नेकपाले पार्टीको आधिकारिकताका लागि ओली नेतृत्वको कमिटीको सबै विवरण समेत निर्वाचन आयोगमा बुझाएको छ ।

ओली पक्षले  निर्वाचन आयोगमा विधान संशोधन सहित आवश्यक सबै कागजात बुझाए

ओली पक्षले आजै निर्वाचन आयोगमा विधान संशोधन सहित आवश्यक सबै कागजात बुझाएको छ । आयोगमा दर्ता गराइएको संशोधनमा पार्टीका आधिकारिक दस्तावेज र पत्रहरुमा प्रथम अध्यक्षको मात्रै हस्ताक्षर ’चल्ने’ बनाइएको छ । यसअघि नेकपाका दुवै अध्यक्षको हस्ताक्षर चल्ने व्यवस्था थियो ।

संशोधित विधानबाट दुई अध्यक्ष रहने प्रावधान भने हटाइएको छैन । त्यस्तै केन्द्रीय समितिको संख्या पनि ११९९ कायम गरिएको छ । ओली पक्षले मंगलबार नै निर्वाचन आयोग पुगेर केन्द्रीय कमिटी विस्तार गरेको जानकारी दिएको थियो । प्रचण्ड माधव पक्ष बुधवार आयोगमा गएको थियो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ