प्रचण्ड–माधव पक्षको बैठक सकियो, महासचिव चुन्न गाह्रो नपरेको स्पष्टोक्ति – Nepal Press

प्रचण्ड–माधव पक्षको बैठक सकियो, महासचिव चुन्न गाह्रो नपरेको स्पष्टोक्ति

भोलि बिहान माइतीघरमा प्रदर्शन गर्ने

काठमाडौं । बबरमहलस्थित कार्की पार्टी प्यालेसमा बसेको प्रचण्ड–माधव नेपाल नेतृत्व नेकपाको केन्द्रीय कमिटी बैठक सकिएको छ । बैठकले प्रवक्ता नारायणकाजी श्रेष्ठको नेतृत्वमा २५ सय १ सदस्यीय आन्दोलन परिचालन समिति गठन गर्दै भोलि बिहान साढे ९ बजे माइतीघरमा प्रदर्शन गर्ने निर्णय गरेको छ ।

बैठकका निर्णय सुनाउँदै प्रवक्ता श्रेष्ठले भने, ‘संसद विघटन प्रतिगामी कदम हो, त्यसलाई कुनै हालतमा सफल हुन दिने छैनौं ।’ पुरानो पार्टी ब्युँताउने प्रयास पनि सफल हुन नदिने गरी पार्टी लाग्ने निर्णय उनले बताए ।

पार्टीको महासचिव चयनमा कुनै विवाद नरहेको भन्दै प्रवक्ता श्रेष्ठले भने, ‘बाहिर आएजस्तो गरी पार्टीको महासचिव चयनमा विवाद छैन ।’

महासचिवका लागि सुरेन्द्र पाण्डेको नाममा सहमति जुटेको बताइएको थियो । तर, भीम रावलले पनि दावी गरेपछि विवाद बढेको समाचार सार्वजनिक भएको थियो ।

 

प्रतिक्रिया

Leave a Reply

Your email address will not be published.

सम्बन्धित खवर