प्रचण्डले भने– बादललाई ल्याउन सकिएन, २३ जना कमरेड फिर्ता ल्यायौं
नेपाल प्रेस
२०७७ पुष ९ गते १५:१४
काठमाडौं । विभाजित नेकपाका अध्यक्ष पुष्पकमल दाहाल प्रचण्डले बादललाई आफूतिर ल्याउन नसकिए पनि उनीसँँग रहेका २३ जना नेता फिर्ता आएको बताएका छन् ।
बबरमहलमा जारी केन्द्रीय कमिटी बैठकलाई सम्बोधन गर्दै प्रचण्डले बादलसँग नजिक रहेर काम गरिरहेका नेताहरु आफूतिर आएको र यो संख्या बढ्दै जाने बताए ।
प्रचण्डले भने– वामदेव र बादल आउने आशा गरेको थिएँ तर उहाँहरु यहाँ आउनुभएको छैन। वामदेव सकारात्मक हुनुहुन्छ। तर, बादललाई हामीले ल्याउन सकेनौं ।
२३ जना कमरेड फिर्ता आउनुभएको छ। बादल कमरेडसँग नजिक रहेर काम गरिरहनुभएका केही कामरेड यहाँ आउनुभएको छ। आउने दिनमा यो संख्या बढ्दै जानेछ। तुवाँलो हट्दै जानेछ।
प्रचण्डले अोली नेतृत्वको पार्टी आधिकारिक नभएर गुट मात्र भएको बताए ।
नेपाल प्रेस
प्रकाशित: २०७७ पुष ९ गते १५:१४
प्रतिक्रिया
सम्बन्धित खवर
