प्रचण्ड–माधव पक्षले आन्दोलन गर्ने, नारायणकाजी बने कमाण्डर – Nepal Press

प्रचण्ड–माधव पक्षले आन्दोलन गर्ने, नारायणकाजी बने कमाण्डर

काठमाडौं । प्रचण्ड–माधव नेपाल नेतृत्वको नेकपाले प्रतिनिधिसभा विघटनविरुद्ध आन्दोलन गर्ने प्रस्ताव पारित गरेको छ । बबरमहलको कार्की पार्टी प्यालेसमा जारी बैठकले नारायणकाजी श्रेष्ठको संयोजकत्वमा २५ सय १ सदस्यीय आन्दोलन परिचालन समिति गठन गरेको छ ।

आन्दोलन परिचालनका लागि सोही समितिबाट सानो सचिवालय गठन हुने बताइएको छ । प्रदेशमा काम संचालन गर्न स्थायी कमिटी र प्रदेश कमिटीका पदाधिकारीले काम थाल्ने र प्रदेशका पदाधिकारीले एक हप्ता भित्र प्रदेश कमिटी बैठक राख्नु पर्ने निर्देशन समेत बैठकले दिएको छ ।

नेतृ रामकुमारी झाँक्रीले भने कमिटीको नाम आन्दोलन परिचालन समिति होइन, प्रतिगमनविरुद्धको आन्दोलन समिति बनाउनुपर्ने भन्दै फरक मत राखेकी थिइन् । अन्नतः झाँक्रीको मतअनुसार नै आन्दोलन समितिको नाम केन्द्रीय कमिटीबाट पारित भएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ