पौडेल पक्षले कांग्रेस बैठकमा आन्दोलनका कार्यक्रमसहितको प्रस्ताव लैजाने

काठमाडौं । सभापति शेरवहादुर देउवाले आन्दोलनमा जान आनाकानी गरेको भन्दै नेपाली कांग्रेसको रामचन्द्र पौडेल पक्षले आन्दोलनका कार्यक्रम र मोडालिटीसहितको अलग प्रस्ताव केन्द्रीय कार्य समिति बैठकमा लैजाने भएको छ ।

काठमाडौंमा जारी पौडेल पक्षको भेलाले आजको बैठकमा आन्दोलनका कार्यक्रम सहितको प्रस्ताव लैजाने निर्णय गरेको केन्द्रीय सदस्य बलवहादुर केसीले नेपाल प्रेसलाई बताए । पार्टीको जारी बैठकमा आन्दोलनका बारेमा अन्यौल र गोलमटोल छलफल भइरहेकाले प्रष्ट कार्यक्रम र मोडालिटी सहितको प्रस्तावमा छलफल गराउन लागिएको उनले बताए ।

बैठकमा प्रस्ताव छलफल गरी त्यसलाई पारित गराउन सभापति देउवालाई आग्रह गर्ने पौडेल पक्षको तयारी छ ।