रामचन्द्र पक्षको भेलामा गगन–प्रदिप पनि सहभागी – Nepal Press

रामचन्द्र पक्षको भेलामा गगन–प्रदिप पनि सहभागी

काठमाडौं । ५ वर्षअघिको महाधिवेशनदेखि अलग समूहमा रहेका कांग्रेसका युवा नेताहरु गगन थापा र प्रदिप पौडेल आज रामचन्द्र पौडेल पक्षको भेलामा सहभागी भएका छन् । उनीहरु कृष्ण सिटौला नेतृत्वको तेस्रो धारमा थिए ।

प्रतिनिधिसभा विघटन असंवैधानिक भएकाले यसका विरुद्ध सडक र न्यायिक लडाई लड्नुपर्ने धारणामा पार्टी नेतृत्वलाई सहमत गराउन पौडेल पक्षका नेताहरुको भेला भइरहेको छ ।

सो भेलामा गगन र प्रदिप पनि सहभागी भएपछि कांग्रेसमा पौडेल सिटौला समूहबीच एकता हुन लागेको अर्थमा बुझिएको छ ।

पौडेल पक्षको भेलामा सशांक कोइराला,प्रकाशमान सिंह,शेखर कोइराला,महेश आचार्य,अर्जुन नरसिंह केसी,रामशरण महत लगायतका नेताहरु सहभागी छन् ।

सभापति शेरवहादुर देउवा ओलीसँग भित्रभित्रै मिलेको आशंका भएपछि पौडेल पक्ष र सिटौला पक्ष नजिकिएका हुन् ।
प्रधानमन्त्रीले संसद विघटन गरे लगत्तै गगन थापा एक्लै सडकमा निस्किएका थिए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर