संसद विघटनको विरोधमा आज विराटनगरमा प्रदर्शन – Nepal Press

संसद विघटनको विरोधमा आज विराटनगरमा प्रदर्शन

विराटनगर  । जनता समाजवादी पार्टी (जसपा)ले प्रधानमन्त्री केपी शर्मा ओलीले असंवैधानिक संसद् विघटनको विरोधमा आज विराटनगरमा प्रदर्शन गरेको छ ।

विराटनगरको संसारीमाईबाट निस्किएको र्‍यालीसहितको विरोध प्रदर्शन घाँसचाेकमा गएर कोणसभामा परिणत भएको थियो।

कोणसभालाई सम्बोधन गर्दै उनीहरुले प्रधानमन्त्री केपी शर्मा ओलीकाे संसद् विघटन गर्ने कार्य असंवैधानिक भएको भन्दै त्यसको विरुद्ध सशक्त आन्दोलन गर्ने बताएका छन् ।

राजपा नेताहरुले संसद विघटन गर्ने प्रधानमन्त्रीको प्रस्ताव र त्यसलाई स्वीकृत गर्ने राष्ट्रपतिकाे निर्णय असंवैधानिक, लोकतन्त्र विरोधी र व्यवस्थाकै विपक्षमा रहेको पनि बताए ।

उनीहरुले संसद विघटन गर्ने असंवैधानिक कार्यलाई तत्काल फिर्ता नलिएसम्मका लागि सरकारको असंवैधानिक कदमको विरोधमा जिल्लाभर विराेधका कार्यक्रमलाई निरन्तरता दिने उद्घोष समेत गरेका छन् ।

कोणसभालाई प्रदेश सांसद जयराम यादव, पार्टीका केन्द्रीय सदस्यहरु अमरेन्द्र शाह, तवरेज हक, भुराज राई, रामलाल सुतिहार,वसन्धरा झा, महमत फैजारले सम्बोधन गरेका थिए ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर