सूर्य चिह्न दाबी गर्दै प्रचण्ड–माधव पक्ष निर्वाचन आयोगमा – Nepal Press

सूर्य चिह्न दाबी गर्दै प्रचण्ड–माधव पक्ष निर्वाचन आयोगमा

काठमाडौं । नेकपाको आधिकारिकता दाबी गर्दै प्रचण्ड माधव पक्षले निर्वाचन आयोगमा आवश्यक कागजपत्र बुझाएको छ ।

२८७ केन्द्रीय सदस्यको हस्ताक्षरसहितको नेकपा केन्द्रीय कमिटी बैठकको निर्णय आयोगमा दर्ता गरिएको स्थाायी कमिटी सदस्य लीलामणि पोखरेलले बताए ।

पार्टीको दुई तिहाइ बहुमतले केपी ओलीलाई अध्यक्षबाट हटाएर माधव नेपाल चयन गरिएको निर्णयसमेत आयोगमा पेश भएको छ । आयोगमा यसअघि ओली पक्षले पनि आधिकारिकता दाबी गर्दै कागजात बुझाइसकेको छ ।

निर्वाचन आयोगबाट निस्कने क्रममा प्रचण्ड–माधव नेपाल पक्षका नेता सुरेन्द्र पाण्डेले सूर्य चिह्नमा आफूहरुको हक लाग्ने भन्दै अल्पमत पक्षले नयाँ पार्टी दर्ता गर्नुपर्ने बताए ।

निर्वाचन आयोगका प्रवक्ता राजकुमार श्रेष्ठले दुवै पक्षका निवेदन र कागजात हेरी चाँडै निर्णय दिने बताएका छन् ।

 

प्रतिक्रिया

Leave a Reply

Your email address will not be published.

सम्बन्धित खवर