प्रचण्डको गुनासो–साढे दुई वर्ष विचित्रले बिताइयो, बैठकमा मलाई बोल्न दिइएन – Nepal Press

प्रचण्डको गुनासो–साढे दुई वर्ष विचित्रले बिताइयो, बैठकमा मलाई बोल्न दिइएन

काठमाडौं । विभाजन हुने चरणमा रहेको नेकपाका अध्यक्ष प्रचण्डले पार्टी एकीकरणपछिको साढे दुई वर्ष विचित्रको अवस्थामा बिताइएको भन्दै आफूलाई बैठकमा बोल्न समेत नदिइएको गुनासो गरेका छन् ।

आफू पक्षधर केन्द्रीय कमिटीको बैठकलाई सम्बोधन गर्दै अध्यक्ष प्रचण्डले बैठक बस्न अनुनय विनय गर्नुपर्ने र सचिवालय बैठकमा बोल्न पाइँदैन भन्ने खालका व्यवहार पनि अर्का अध्यक्ष केपी ओलीबाट भोग्नुपरेको उनले सुनाए ।

बैठकमा प्रचण्डले भने–‘पार्टी र जनताबीचको सम्बन्ध पनि कम्युनिष्ट पार्टीको जस्तो भएन। सुशासन पनि भएन। अनेक अनियमितताका कुरा आए। हामीले सोचेको जस्तो पार्टी नबन्ने भयो भन्ने चिन्ता १८ बुँदे पत्रमा थियोे । त्यो मेरो मात्रै थिएन । हामी सबैको थियोे । बैठक बस्न पनि अनुनय विनय गर्नुपर्ने । अढाइ वर्ष विचित्रको अवस्थामा बिताइयो । सचिवालय बैठकमा बोल्न पाइँदैन भनियो। अध्यक्षलाई पनि बोल्न पाइँदैन भनियो ।’

प्रचण्डले बामदेव गौतम र रामवहादुर थापा बादललाई पनि आफ्नो समूहमा आउन आग्रह गरे । उनले दुवै नेतासँग आफ्नो भावनात्मक सम्बन्ध रहेको भन्दै बैठक हलमा बामदेव र बादलको आवश्यकता रहेको सुनाए । दुवै नेता अहिले कुनै गुटमा नलागी तटस्थ बसेका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर