मंगलबार शेयर बजारमा उछाल ९५ अंकले बढ्यो नेप्से – Nepal Press

मंगलबार शेयर बजारमा उछाल ९५ अंकले बढ्यो नेप्से

काठमाडौं । नेपालको धितोपत्र बजार नेप्से परिसूचक (मंगलबार ९५ दशमलव ४६ अंकले बढेको छ । ४ दशमलव ८६ प्रतिशतले बढेको शेयर बजार २,०५७ दशमलव ७७ विन्दुमा बन्द भएको छ ।

गत आइतबार करीब ९७ अंकले ओरालो लागेको नेप्से सोमबार तारचढाब बेहो¥दै १९६५ दशमलव ९६ विन्दुमा बन्द भएको थियो । आज भएको १ करोड २७ लाख १७ हजार १४६ कित्ताको कारोबारमा ६ अर्ब ७४ करोड ७ लाख ४४ हजार ४३२ रुपैयाँ बराबरको टर्नओभर भएको छ ।
देशमा घटेको पछिल्लो राजनीतिक घटनाक्रमले प्रभावित बनेको नेप्सेले सोमबार उतार–चढाबको सामाना ग¥यो । मंगलबार बजार खुलेसँगै बढ्न थालेको नेप्सेले आफ्नो वेगलाई रोकेन । देशमा भइरहेको राजनीतिक घटनाक्रमलाई प्रवाह नगरी लगानीकर्ता आफ्नो मनोबललाई उच्च राखेका कारण बजार बढेको पूर्व नेप्सेका महाप्रवन्धक सिताराम थपलीयाले बताए ।

आज भएको शेयर किनबेचमा सबैभन्दा धेरै एनएलआईसी कम्पनीले ८६ करोड ३६ लाख ८२ हजार ७७५ रुपैयाको कारोबार गरेको छ । त्यस्तै एनआईसी एसियाको ४६ करोड ८१ लाख ३४ हजार १७२ रुपैयाँको कारोबार भएको छ ।

आज सबैभन्दा धेरै कमाउने कम्पनीमा शिखर इन्स्योरेन्सको शेयर मूल्य १० प्रतिशतले बढेको छ । त्यसैगरी ९ प्रतिशतले बढेका कम्पनीहरुमा राष्ट्रिय बीमा कम्पनी, नबिल बैंक, एनएलआइसीलगायत अन्य ११ ओटा रहेकाछन् ।

सबैभन्दा धेरै गुमाउनेमा नारायणी डेभ्लपमेण्ट बैंकले ९ दशमलव ९१ त्यस्तै सनराइज फष्ट म्युचल फण्डले ९ दशमलव ८९ प्रतिशतले गुमाएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ