अमेरिकामा कोभिडविरुद्ध मोर्डना खोप पनि स्वीकृत – Nepal Press

अमेरिकामा कोभिडविरुद्ध मोर्डना खोप पनि स्वीकृत

फाइजरपछि अमेरिकाले कोरोनाविरुद्ध मोर्डना खोप प्रयोगमा ल्याउने भएको छ । त्यहाँको खाद्य तथा औषधी प्रशासन एफडीएले मोर्डना भ्याक्सिनलाई प्रयोगका लागि अनुमति दिएको हो ।

यो भ्याक्सिन प्रयोग गर्नु अगाडि एफडीए कमिटिमा मतदान भएको थियो । जसमा पक्षमा २० जना र विपक्षमा १ जनाले मतदान गरेका थिए । गतसाता एफडीएले फाइजर खोपलाई अनुमति दिएको थियो ।

आगामी मार्च महिनाभित्र एकसय मिलियन नागरिकलाई खोप लगाउने अमेरिकी योजना छ । यसका लागि सरकारले एकसय मिलियन डोज किन्ने भएको छ । अब अमेरिकासँग मोर्डना भ्याक्सिनका कूल २ सय मिलियन डोज उपलब्ध हुनेछन् ।

मोर्डना भ्याक्सिन पनि ९५ प्रतिशत प्रभावकारी रहेको बताइएको छ । फाइजरजस्तै मोर्डनालाई अत्यन्त चिसोमा राख्नु जरुरी छैन । फाइजर खोप माइनस ७५ डिग्री सेल्सियस र मोर्डना भ्याक्सिन माइनस २० डिग्रीमा भण्डारण गरे पुग्छ । मोर्डनाका डोजहरु २८ दिनको अन्तरमा दिनुपर्छ ।

मोर्डना भ्याक्सिन १८ वर्षभन्दा माथिकालाई मात्र लगाउन स्वीकृत गरिएको छ ।

प्रतिक्रिया

Leave a Reply

Your email address will not be published.