साहित्य सन्ध्यामा प्रविधिमैत्री कविता

काठमाडौं । साहित्य सन्ध्याको नियमित मासिक ४११औँ शृङ्खला आज प्रविधिमैत्री राष्ट्रिय कविगोष्ठीका रूपमा सम्पन्न भएको छ ।

भर्चुअल रुपमा आयोजित कार्यक्रममा मुलुकभरका स्रष्टाहरूका सिर्जना वाचन गर्ने उद्देश्यले इलामदेखि नेपालगन्जसम्मका कविहरूको सहभागिता गराइएको थियो ।

कार्यक्रममा नेपालगञ्जबाट उर्मिला पन्त पाण्डेय र पुष्पमणि प्रधान, इलामबाट बालकृष्ण लामिछाने, झापाबाट पुण्यप्रसाद खरेल, काठमाडौँबाट राम विनय, प्रमोद स्नेही, डा राजेन्द्रप्रसाद अधिकारी, सम्पत काफ्ले, गणेश घिमिरे ‘मार्मिक’, ललिता दोषी, सीताराम नेपाल, डा बालचन्द्र मिश्र, डा सावित्री श्रेष्ठ, गोपाल मैनाली, विधान आचार्य, वैरागी जेठालगायतले आआफ्ना समसामयिक कविता, गीत, गजल, हाइकु वाचन गरेकाे सन्ध्याका उपाध्यक्ष रमेश पोखरेलले जानकारी दिए ।