४०० वर्षपछि शनि र बुध नजिकिंदै, नेपाली आकाशमा सोमबार हेर्न पाइने – Nepal Press

४०० वर्षपछि शनि र बुध नजिकिंदै, नेपाली आकाशमा सोमबार हेर्न पाइने

हाम्रो सौर्यमण्डलका दुई ठूला ग्रह बृहस्पति र शनि चारसय वर्षपछि एकदम नजिक हुँदैछन् । नेपाली आकाशको दक्षिणपश्चिममा सोमबार सूर्यास्तपछि खगोलशास्त्रकै दुर्लभ दृश्य देख्न पाइने भएको छ ।

सन् १६२३ मा यसअघि यस्तो दृश्य देखिएको थियो । यो घटनाले पृथ्वीसहित सौर्यमण्डलमा महत्वपूर्ण उतारचढाव आउने ठोकुवा गरिएको छ । यसअघि उक्त क्षणमा क्राइस्ट जन्मिएको, ठूलो आगलागी हुने र हावाहुरी चलेको बताइन्छ । द गार्जियनले त्यतिबेला मानव सभ्यता नै नष्ट भएको लेखेको छ ।

नेपाली समयानुसार राति सवा १० बजेदेखि सुरु हुने यो दृश्यको उत्कर्ष भने यसको दुई घण्टापछि हुनेछ । दक्षिणपश्चिमको १५ डिग्री देशान्तरमा यो दृश्य देख्न पाइनेछ । प्रत्येक २० वर्षमा यी दुई ठूला ग्रह नजिक हुन्छन् तर, दिउँसोमा मात्र हुने भएकाले नांगो आँखाले देख्न असम्भव हुन्छ ।

यसअघि सन् १६२३ मा यी ग्रह नजिक हुँदा शेक्सपियरको पहिलो रचना प्रकाशित भएको थियो । दुई ग्रह नजिक हुँदा निकै चम्किलो पनि देखिने ग्रीनविच रोयल अब्जर्भेटरीले जनाएको छ । शनि ग्रह प्रत्येक २९ वर्षमा पृथ्वीको धेरै नजिक आउने गर्छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर