संसारका सय उत्कृष्ट नर्स तथा मिडवाइफको सूचिमा नेपालका चार

नेपालका चारजना युवती संसारकै सर्वोत्कृष्ट मिडवाइफ र नर्सको एकसय सूचिमा छानिएका छन् । नर्स एवं मिडवाइफ अन्तराष्ट्रिय वर्ष २०२० को अवसरमा विश्व स्वास्थ्य संगठनले यी नेपाली नर्सलाई छानेको हो ।

सूचिमा नेपालबाट दुईजना मिडवाइफ र दुईजना नर्स समावेश छन् । कोभिड–१९ महामारीको विषम परिस्थितीमा पनि अग्रपंक्तिमा खटिएर सेवा दिएको भन्दै उनीहरुलाई छानिएको वेबसाइटमा उल्लेख छ ।

छानिएका नेपालीहरुमा मिडवाइफद्धय प्रशंसा बुढा लामा र रुक्मणी त्रिपाठी एवं नर्समा दुर्गा सापकोटा र सुष्मा योञ्जन छन् । आफूले गरेको मिहेनतको फल प्राप्त भएको भन्दै उनीहरुले खुशि व्यक्त गरेका छन्।