अमेरिकी उपराष्ट्रपतिले लगाए कोरोनाविरुद्धको खोप – Nepal Press

अमेरिकी उपराष्ट्रपतिले लगाए कोरोनाविरुद्धको खोप

टेलिभिजनबाट लाइभ प्रसारणसहित अमेरिकी उपराष्ट्रपति माइक पेन्सले कोभिड–१९ को भ्याक्सिन लिएका छन् । खोप लगाएपछि प्रतिक्रिया दिँदै उनले भने, ‘यो चिकित्सकीय चमत्कार हो । हामी महामारीबाट मुक्त हुने आशामा छौं ।’

कुनै अमेरिकी उच्च पदस्थ व्यक्तिले भ्याक्सिन लिएको यो पहिलोपटक हो । ‘यो बिहान भ्याक्सिनले हामीमा आत्मविश्वास दिलाएको छ’ उनले भने, ‘मैले कुनैपनि अप्ठ्यारो कुराको महसुस गर्नुपरेन ।’

ह्वाइट हाउसबाट गरिएको लाइभ प्रसारणमै पेन्ससहित उनकी पत्नी करेन र उनका नीजि चिकित्सक जेरोमी एडम्सले पनि खोप लगाए । सीएनएनका मेडिकल सम्पादक डा. संजय गुप्ताले पनि भ्याक्सिन लिए ।

पेन्सले भ्याक्सिन लगाइरहँदा उनको अगाडि अमेरिकी रोग नियन्त्रण महाशाखा प्रमुख एन्थोनी फाउची उपस्थित थिए । खोप लगाउने पेन्सको कामको प्रशंसा गर्दै फाउचीले यसले अन्य अमेरिकी नागरिकलाई उत्साहको संचार गरेको बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ