वामदेवले भनेः कुनै भेलामा जान्नँ, बैठक छाड्दिनँ

काठमाडौं । नेपाल कम्युनिष्ट पार्टी (नेकपा)का उपाध्यक्ष वामदेव गौतमले आफू कुनै पनि गुटको भेलामा नजाने तर पार्टीका बैठक नछाड्ने बताएका छन् ।

शुक्रबार दिउँसो प्रचण्ड–नेपाल पक्षको भेलामा नगएका उपाध्यक्ष गौतमले नेपाल प्रेससित भने, ‘अहिले भेला गर्ने बेला होइन, बैठकबाटै समस्याको समाधान खोज्नु पर्दछ ।’

उनले पाँचजना नेताको बैठकमा भने सहभागी हुने बताएका छन् । शुक्रबारको पेरिस डाँडा बैठकमा गौतम सहभागी नहुनुले प्रचण्ड–नेपाल समूहप्रति उनको असहमति बढेको संकत गर्छ ।