धरासायी बनेका उद्योग–व्यवसायलाई निरन्तरता दिन कठिनः अध्यक्ष गोल्छा – Nepal Press

धरासायी बनेका उद्योग–व्यवसायलाई निरन्तरता दिन कठिनः अध्यक्ष गोल्छा

काठमडौं । कोभिड– १९ का कारण धरासायी बनेको उद्योग व्यावसायलाई निरन्तरता दिन कठिनाइ भएको उद्योग बाणिज्य महासंघका अध्यक्ष शेखर गोल्छाले बताएका छन् ।

शुक्रबार भएको अर्थ समितिको बैठकमा बोल्दै अध्यक्ष गोल्छाले उद्योग व्यावसायमा अर्बौको क्षति भएकाले व्यवसायलाई निरन्तरता दिन कठिनाइ भएको बताए । सरकारले राहतका प्याकेजहरु घोषणा गरेपनि कार्यान्वयनमा आउन ढिला भएकाले व्यावसायले निरन्तरता दिन नसकेको उनले बताए ।

साना व्यावसायीले व्यावसाय सूचारु गर्न नसक्दा कर्मचारीको तलब, बैंकको ब्याज र घरभाडा तिर्न समस्या भइरहेको छ । साथै सरकारले उद्यमी व्यावसयी र कृषकलाई लक्षित गरी घोषणा गरेको कार्यक्रम कार्यान्वयनमा आउन नसकदा समस्या यथावत रहेको बताए ।

बैठकमा उनले पुनरकर्जा कोषको रकम र अवधि बढाउनुपर्ने, साना तथा मझौला उद्योग व्यवसायले सहजै पुनरकर्जा प्राप्त गर्न सक्ने व्यवस्था मिलाउन माग गरे ।

कृषिलाई उद्योगसँग जोड्न विचौलीयालाई हटाउने र साना उद्योग व्यवसायको व्यवसायिक निरन्तरता कर्जा उपलब्ध गराउन उनले जोड दिए । साथै, नयाँ व्यवसायलाई प्राथमिकता राखेर काम गरेमा १० प्रतिशतको आर्थिक वृद्धिदर हासिल गर्न सम्भव भएको पनि अध्यक्ष गोल्छाले बताए ।

बैठकमा पूर्वप्रधानमन्त्री डा. बाबुराम भट्टराईले अर्थतन्त्रलाई चलायमान बनाउनका लागि कृषि, उद्योग र व्यापारबीचको सन्तुलन मिलाउनु पर्ने बताए । त्यस्तै, महासंघका वस्तुगत उपाध्यक्ष अन्जन श्रेष्ठले एन नियम बनाउने, नियमन गर्ने र कार्यान्वयन गर्ने निकायको फरक सोचले गर्दा व्यावसायिक वातावरणमा असर परेको बताए ।

कोभिडका कारण कतिपय उद्योग व्यवसाय बन्द भइसकेको र कतिपय बन्द हुने अवस्थामा पुगेकाले सरकारले छिटो राहत दिनु पर्ने बताए ।


प्रतिक्रिया

Leave a Reply

Your email address will not be published. Required fields are marked *