युरिया मल ल्याउन नेपाल र बंगलादेशबीच सम्झौता – Nepal Press

युरिया मल ल्याउन नेपाल र बंगलादेशबीच सम्झौता

काडमाडौं । बङ्गलादेशबाट युरिया मल ल्याउन नेपाल सरकार र बंगलादेशबीच सम्झौता भएको छ । नेपाल कृषि सामग्री लिमिटेड र बंगलादेशको ‘बंगलादेश केमिकल इन्ड्रष्ट्रिज’बीच बिहीबार सम्झौता भएको हो ।

बंगलादेशबाट युरिया मल ल्याउन नेपाल सरकारले तीन महिना अघि नै निर्णय गरेको भए पनि बिहीबार मात्र सम्झौता गर्यो । सम्झौता अनुरुप बंगलादेशले ५० हजार मेट्रिक टन युरिया मल नेपाल आपूर्ति गर्नेछ ।

बंगलादेशबाट नेपालले युरिया मल चार लटमा आयात गर्नेछ । सम्झौता भएको तीन महिनाभित्र मल नेपाल निर्यात गरिनेछ । यो मलको आयातसँगै नेपालमा रासायनिक मलको अभावकाे समस्या समाधान हुने कृषि मन्त्रालयको भनाइ छ ।

यो सिजनमा खेती गरिने बालीलाई आवश्यक पर्ने मल पर्याप्त रहेको मन्त्रालयले बताएको छ । मल अभाव हुन नदिनका लागि मन्त्रालयबाट अल्पकालीन, मध्यकालीन र दीर्घकालीन रणनीति समेत तयार भइरहेको जनाएको छ । नेपालले जी–टु–जी (सरकार–सरकारबीच सम्झौतामार्फत मल आपूर्ति गर्न लगेको हो ।

प्रतिक्रिया

Leave a Reply

Your email address will not be published.

सम्बन्धित खवर