फ्रान्सेली राष्ट्रपतिलाई कोरोना संक्रमण – Nepal Press

फ्रान्सेली राष्ट्रपतिलाई कोरोना संक्रमण

बीबीसी/फ्रान्सेली राष्ट्रपति इम्यानुएल म्याक्रोन कोभिड–१९ संक्रमित भएका छन् । ४२ वर्षे राष्ट्रपतिले आफूलाई लक्षणसहितको भाइरस देखिएपछि आइसोलेट गरेको उनको कार्यालयले जनाएको छ ।

आइसोलेसनबाटै उनले शासन चलाउने र अलग रहेर काम गर्ने राष्ट्रपति कार्यालयले उल्लेख गरेको छ । बढ्दो संक्रमणलाई रोक्न फ्रान्सले यो सातादेखि रात्रीकालिन कर्फयु जारी गरेको छ ।

महामारी सुरु भएपछि फ्रान्समा २० लाख जनामा भाइरस संक्रमण भएको छ । जोन हप्कीन्स विश्वविद्यालयका अनुसार फ्रान्समा ५९ हजार ४ सय जनाले ज्यान गुमाएका छन् ।

‘कोरोनाको लक्षण देखिनेवित्तिकै गरिएको परिक्षणमा राष्ट्रपतिलाई कोभिड संक्रमण पुष्टि भएको छ’ उनको कार्यालय एलेसीले जनाएको छ । उनलाई कसरी भाइरस संक्रमण भयो भन्ने पुष्टि नभएपनि राष्ट्रपति कार्यालयले चाहिँ स्रोतको कन्ट्याक्ट ट्रेसिङ पुष्टि भएको जनाएको छ ।

प्रतिक्रिया

Leave a Reply

Your email address will not be published.