बीबीसी रियालिटी सोमा नेपालका सन्तोष साह फाइनलमा – Nepal Press
कोदोको खिर चखाएर जजलाई पारे मख्ख

बीबीसी रियालिटी सोमा नेपालका सन्तोष साह फाइनलमा

कोदोको खिर चखाएर नेपाली सेफ सन्तोष साह ‘बीबीसी मास्टर सेफ प्रोफेसनल्स् २०२०’ यूकेको शीर्ष ४ मा पुग्न सफल भएका छन् । ‘बीबीसी वान’ मा मंगलबार राति प्रसारित फाइनल राउन्डको पहिलो चरणबाट उनी शीर्ष ४ मा पुगेका हुन् ।

प्रतियोगितामा सन्तोषले कोदोको खीरसँगै आँपको कुल्फी र तराईमा प्रचलित आँपको ‘अमोट’ पनि बनाएका थिए । उनले नेपाली खाना चखाउन यो प्रतियोगितामा भाग लिएका थिए । नेपालमा पाइने मौलिक खानाहरु जजलाई खुवाएर मन जितेका थिए । साथै उनले लोप भइसकेको खानालाई पुन: एकपटक विश्व माझ चिनाएका छन् ।

सिरहाका सन्तोषले यो प्रतियोगिताको प्रथम चरणदेखि नै नेपाली खानाको परिकार पस्किरहेका छन् । उनले यो फाइनल राउन्डका ६ प्रतियोगीलाई पछि पार्दै शीर्ष ४ स्थान बनाउन सफल भए । उनी दुई दशकदेखि यो पेसामा आवद्ध छन् । यही क्रममा उनले भारत र बेलायतमा  धेरै वर्ष सेफको क्रममा काम गरे ।

मास्टर सेफ प्रोफेसनल्स् २०२०’ को फाइनल आउँदो बिहीबार बेलुका प्रसारण हुनेछ । ३५ वर्षीय सन्तोष शीर्ष ४ मा पुगेकोमा उनकी आमाले खुसी व्यक्त गरेकी छिन् । आमाले भनेकी छिन्, ‘मलाई मेरो छोरा फाइनलमा पुगेको एकदमै खुसी लागेको छ । तर उनले चाडैँ नै विवाह गरिदिओस भन्ने इच्छा छ मेरो ।’

प्रतिक्रिया

Leave a Reply

Your email address will not be published.