कांग्रेस शीर्ष नेताहरुको बैठक सुरु
२०७७ पुष १ गते १४:०९
काठमाडौं । पछिल्लो राजनीतिक अवस्थाबारे धारणा बनाउन प्रमुख प्रतिपक्षी दल नेपाली कांग्रेसका शीर्ष नेताहरुको बैठक सभापति शेरबहादुर देउवाको निवास बूढानीलकण्ठमा सुरु भएको छ ।
सरकारले संवैधानिक परिषद पहिलो संशोधन अध्यादेश जारी गरेपछि उत्पन्न परिस्थितिबारे छलफल गर्न सभापति देउवाले पूर्व पदाधिकारीहरुसहित शीर्ष नेताको बैठक बोलाएका हुन् ।
बैठकमा सभापति देउवा, वरिष्ठ नेता रामचन्द्र पौडेल, उपसभापतिद्वय विमलेन्द्र निधि र विजयकुमार गच्छदार, महामन्त्रीद्वय डा.शशांक कोइराला र पूर्णबहादुर खड्का, सह महामन्त्री डा.प्रकाशशरण महत, पूर्व महामन्त्री प्रकाशमान सिंह, प्रवक्ता विश्वप्रकाश शर्मा लगायतको उपस्थिति छ ।
कांग्रेसले यसअघि नै अध्यादेश ल्याइनु अलोकतान्त्रिक कदम रहेको टिप्पणी गरिसकेको छ ।
प्रकाशित: २०७७ पुष १ गते १४:०९
प्रतिक्रिया
सम्बन्धित खवर
