नेकपा स्थायी कमिटीमा अध्यक्ष ओलीको प्रतीक्षा
नेपाल प्रेस
२०७७ पुष १ गते १३:४९
काठमाडौं । नेपाल कम्युनिष्ट पार्टी (नेकपा)को स्थायी कमिटी बैठक निर्धारित समयमा सुरु हुन सकेको छैन । अध्यक्ष ओली नआएका कारण बैठक सुरु नभएको हो । बैठकमा सहभागी हुन पुगेका स्थायी कमिटी सदस्यहरु अध्यक्ष ओलीको प्रतीक्षामा छन् ।
स्थायी कमिटी बैठक यसअघि बुधबार दिउँसो एक बजेका लागि तोकिएको थियो ।
बैठकमा धेरै नेताहरु आइसकेको र प्रधानमन्त्री एवम् अध्यक्ष केपी शर्मा ओलीको प्रतीक्षा भइरहेको स्थायी कमिटी सदस्य लिलामणि पोखरेलले जानकारी दिए।
‘बैठकमा धेरै साथीहरु आइसक्नु भएको छ,’ उनले नेपाल प्रेससँग भने, ‘अध्यक्ष कमरेड ओली आउनु भएको छैन । उहाँको प्रतीक्षा भइरहेको छ,’ उनले भने ।
बैठकअघि नेकपा अध्यक्षद्वय ओली र पुष्पकमल दाहाल ‘प्रचण्ड’बीच छलफल भएको थियो।
दुई अध्यक्षबीचको छलफल केही समयअघि सकिएको छ।
नेपाल प्रेस
प्रकाशित: २०७७ पुष १ गते १३:४९
प्रतिक्रिया
सम्बन्धित खवर
