बैठक बहिष्कारबारे सभामुख सापकोटाको स्पष्टीकरण – Nepal Press

बैठक बहिष्कारबारे सभामुख सापकोटाको स्पष्टीकरण

काठमाडौं । सभामुख अग्निप्रसाद सापकोटाले राज्य संचालनमा दीर्घकालीन महत्व राख्ने निर्णयमा संवैधानिक परिषद्का सदस्यहरुबीच पर्याप्त गृहकार्य र समन्वय हुनुपर्ने बताएका छन् ।

संवैधानिक परिषद् बैठकमा अनुपस्थित भएर संवैधानिक दायित्व भुलेको आरोप लागेपछि सापकोटाको सचिवालयले विज्ञप्ति जारी गरी सभामुख संवैधानिक दायित्वप्रति सचेत रहेको जनाएको छ ।

आइतबारको बैठकमा पूर्वनिर्धारित कार्यक्रम अनुसार सचिवालय सञ्चालन तथा व्यवस्थापन समितिको बैठक स्वयम् सभामुखले अध्यक्षता गर्नु पर्ने भएकोले उपस्थित हुन नसकेको र मंगलबारको बैठकमा प्रधानमन्त्रीलाई जानकारी गराएरै अनुपस्थित भएको प्रेस नोटमा उल्लेख छ ।

पेस नाेटमा भनिएको छ– जहाँसम्म आज (मंसिर ३० गते) को संवैधानिक परिषद् बैठकमा अनुपस्थित भएको विषय छ, यसमा सम्माननीय सभामुखज्यूले बैठकको पूर्वतयारी, गृहकार्य, आपसी परामर्श र आवश्यक समन्वय अभावका सम्बन्धमा सम्माननीय प्रधानमन्त्रीज्यूलाई जानकारी गराउनुभएको थियो ।

सभामुखका प्रेस विज्ञ श्रीधर न्यौपानेले जारी गरेको प्रेस नोटमा संघीय संसदको गरिमा कायम राख्दै संवैधानिक परिषदको मर्यादा र जिम्मेवारीप्रति सभामुख सचेत रहेको उल्लेख छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ