बेलायतस्थित नेपाली राजनीतिज्ञ डा. बच्चु कैलाश मातृभूमि फर्कँदै – Nepal Press

बेलायतस्थित नेपाली राजनीतिज्ञ डा. बच्चु कैलाश मातृभूमि फर्कँदै

बेलायतको राजनीतिमा सक्रिय नेपाली बुद्धिजीवि एवं पूर्व काउन्सिलर डा. बच्चु कैलाश कैनी बेलायत छाडेर नेपाल फर्कने भएका छन् । उनी लन्डनस्थित क्वीन एलिजाबेथ अस्पतालका बरिष्ठ व्यवस्थापक समेत हुन् ।

ललितपुरको हरिसिद्धीस्थित नेपाल क्यान्सर अस्पतालको प्रमुख कार्यकारी अधिकृत (सीइओ)को रुपमा उनी मातृभूमि फर्कन लागेका हुन् । २ अर्ब लगानीमा खुलेको उक्त अस्पतालले कैनीलाई सीइओको रुपमा अनुबन्धित गरिसकेको छ ।

सन् २००५, अक्टोबरमा बेलायत पुगे लगत्तै बेलायतको राष्ट्रिय स्वास्थ्य सेवा (एनएचएस)मा काम थालेका थिए । ग्रीनविच विश्वविद्यालयबाट अस्पताल व्यवस्थापनमा विद्यावारिधी गरेपछि कैनीले आर्डेन युनिभर्सिटी र ग्रीनविच स्कुल अफ म्यानेजमेन्टमा स्वास्थ्य व्यवस्थापन विषयको सह–प्राध्यापकको रुपमा काम गरे ।

सन् २०१७ को बेलायती संसदीय निर्वाचनमा डार्टफोर्ड क्षेत्रका लागि लेबर पार्टीबाट सांसदको उम्मेदवार समेत भए । ‘बेलायत गएर केही अध्ययन र अनुभव आर्जन गरिसकेपछि नेपाल फर्कन सोच पहिल्यै थियो’ कैनीले भने ।

प्रतिक्रिया

Leave a Reply

Your email address will not be published.