प्रभु लाइफ इन्स्योरेन्स आइपिओ बिक्री खुला – Nepal Press

प्रभु लाइफ इन्स्योरेन्स आइपिओ बिक्री खुला

काठमाडौं । प्रभु लाइफ इन्स्योरेन्स कम्पनीले मंसिर २९ गते सोमबारदेखि आईपीओ विक्री खुला गरेको छ । कम्पनीले ६० करोड रुपैयाँ बराबरको ६० लाख कित्ता आईपीओ विक्री खुला गरेको हो ।

सर्वसाधारणका लागि छुट्याएको कुल किक्तामध्ये ५ प्रतिशत अर्थात ३ लाख कित्ता कम्पनीका कर्मचारीहरुका लागि र ५ प्रतिशत सामुहिक लगानी कोषका लागि छुट्याएको छ । बाँकी शेयर ५४ लाख कित्ता सर्वसाधारणका लागि खुलाा गरेको छ ।

आईपीओ खुला गरेसँगै कम्पनीको चुक्ता पूँजी १ अर्ब ४० कोरडबाट बढेर २ अर्ब पुगेको छ । आईपीओ खरीदका लागि न्यूनतम १० कित्तादेखि अधिकतम ५ हजार कित्तासम्मका लागि आवेदन दिन सकिने छ ।

शेयर निष्कासन समाप्त अवधि छिटोमा पुस २ गतेसम्म रहने छ । कम्पनीको यो आईपीओलाई इक्रा नेपालले आधारभूत पक्ष औषतभन्दा कमजोर रहेको इक्रा एनपी आईपीओ ग्रेड ४ रेटिङ प्रदान गरेको छ ।

कम्पनीले संस्थागत सामाजिक उत्तरदायित्व अन्र्तगत आइतबार माहानगरीय ट्राफिक प्रहरी महाशाखालाई स्यानिटाइजर, मास्क र साबुन सहितको स्वास्थ्य सामाग्रीहरु उपल्ब्ध गराएको छ । कम्पनीको रुपमा विस.२०७४ साल मंसिर २८ गतेदेखि उक्त कम्पनीले औपचारिक रुपमा कारोबार शुरु गरेको हो ।

प्रतिक्रिया

Leave a Reply

Your email address will not be published.

सम्बन्धित खवर