सुर्खेत जीप दुर्घटना: मृत्यु हुनेकाे संख्या ४ पुग्याे – Nepal Press

सुर्खेत जीप दुर्घटना: मृत्यु हुनेकाे संख्या ४ पुग्याे

सुर्खेत । सुर्खेतबाट कालिकोट जाँदै गरेको बोलेरो जीप दुर्घटना हुँदा मृत्यु हुनेकाे संख्या ४ पुगेकाे छ ।

बिहीबार बिहान २ बजे भे १ च २५६० नम्बरको बोलेरो जीप रातानाङ्गला नजिक दुर्घटना हुँदा चार जनाको मृत्यु र पाँच जना घाइते भएका हुन् ।

जीप सडकबाट ३ सय मिटर तल खसेको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए । उनका अनुसार जीप राति दुर्घटना भएपनि जानकारी नभएकाले अहिले प्रहरी घटनास्थलमा पुगेर उद्धार कार्य गरिरहेको बताए ।

उनले भने, ‘राति जीप दुर्घटना भएछ । हामीलाई जानकारी नै भएन । बिहानै मात्रै थाहा भएको हुँदा प्रहरी घटनास्थल पुगेर उद्वार भइरहेको छ । जिप के कसरी दुर्घटना भयो भन्नेर अहिले नै भन्न सकिन्न । गाडी भिरमा छ धेरै टाढा छ । रातिको समय र घुम्तीहरु धेरै भएको कारणले पनि घटना भएको होकि भन्ने छ ।’

जीपमा सवारको संख्या १० जना अनुमान गरिएको उनको भनाइ छ । दुईजना मृतक शव सडक ल्याइएको बाँकी दुई शव ल्याउने तयारी भइरहेको प्रहरी उपरीक्षक खड्काले जानकारी दिए । बाँकीको खोजी कार्य पनि भइरहेको उनले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर